Вирусот е тука и нема да исчезне се додека немаме вакцина, па тоа мораме да го прифатиме како реалност, порача министерот за здравство Венко Филипче на Аласат.
-Со придржување до мерките и протоколите изборите може да се одржат. Тоа значи маски, дистанца и миење раце. Ние не видовме заболен од маркет каде што се почитуваат мерките, туку имаме болни од отворен простор каде што не се почитувале мерките – изјави Филипче.
Тој истакна дека изборите ќе бидат организирани според строги правила, со цел секој гласач да биде заштитен.
-Во протоколите се наведува дека мора да има дистанца помеѓу гласачите, дека сите мора да носат маски, да ги дезинфицираат рацете, едноставно како и секаде на затворен простор. Секаде каде што може да се избегне потесен простор или гужва тоа да се направи – рече Филипче.
.gif)
.gif)
