Порталот Фактор се повика на извори според кои Горанчо Котески е разрешен од функцијата началник .
Според информациите на Фактор во игра се двајца негови наследници.
Засега не се откриваат повеќе детали и јавноста не е запознаена со смената на началникот, бидејќи се уште трае состанокот.
Генералштабот на Армијата на Република Македонија, веќе цела година имаше нелегитимен началник, бидејќи беше истечен мандатот на началникот, а надлежните молчеа по ова прашање.
Котески на функцијата беше именуван на 18 август 2011 година, а тој ден го наследи генерал-потполковник Мирослав Стојановски. Токму Стојановски шест години беше генерал на ГШ.
Имено, денеска се одржа свеченост по повод на Денот на АРМ , 18 август и 23 години постоење.
Началникот на ГШ на АРМ Котески се обрати на свеченоста и истакна дека ќе предложи со децентрализацијата на финансиските средства од Армијата кон потчинетите команди и единици, како и измени на Законот за јавни набавки.
Тој смета дека ова е потребно да се направи затоа што во одреден момент може да се доведе во прашање ефикасното извршување на задачите на армијата во мир или војна.
Котевски дел од говорот посвети и на модернизацијата на Армијата и најави нов план кој го нарече како императив кој мора да се направи во интерес на одбраната и безбедноста на нашата земја.
извор: Фактор