Јосип Броз Тито бил љубител на автомобилите, па за превоз користел различни ексклузивни модели од популарните брендови. Меѓу највпечатливите модели е Mercedes 600 во кабриолет односно ландаулет изведба.
Автомобилот што сега е на продажба, влегува во многу ретката група од само шест вакви ландаулет автомобили со шест врати.
Произведен е во 1971 година, а во периодот по смртта на Тито, е користен на Бриони за потребите на превоз на важните гости од аеродромот до резиденцијата. Тие потоа тајно го продале на меѓународен купувач, а од тогаш автомобилот со сериски број 001854 сменил неколку сопственици односно колекционери.
За новата продажба е задолжена аукциската куќа Tom Hartley Jnr, а според информациите, почетната цена ќе биде околу 3 милиони евра.
Овој Mercedes 600 е опремен со 6,3 литарски бензински мотор, има автоматски менувач и досега поминал 27.378 километри.
Извор : Кајгана