По одлуката на Управниот суд да ја прифати тужбата на СДСМ, повторно гласање во избирачкото место 2011 во општина Теарце ќе се одржи во недела. Овде ВМРО-ДПМНЕ на денот на изборите извојувала победа од само четири гласови повеќе од СДСМ.
На спорното избирачко место се запишани вкупно 714 гласачи, а гласале 404 гласачи. На денот на изборите, во избирачкото место 2011, за ВМРО-ДПМНЕ гласале 91 гласач, а за СДСМ 87. БЕСА добила 65 гласа, ДПА 64, ДУИ 53, Алијанса за Албанците 25 и по еден глас Третиот блок и ВМРО за Македонија.
На ниво на шеста изборна единица, разликата меѓу двете најголеми политички партии е само 307 гласа. Прегласувањето би можело да го смени целокупниот изборен резултат, па наместо 51 пратеник за ВМРО-ДПМНЕ и 49 за СДСМ, може двете партии да имаат исти број на мандати, 50:50.
Токму затоа, лидерот на ВМРО-ДПМНЕ Никола Греувски на протестот пред ДИК најави дека доколку Управниот суд ги прифати тужбите на СДСМ, неговата партија нема да учествува во прегласувањето и нема да ги прифати тие резултати.
.gif)
.gif)
