Министерката за труд и социјална политика Фросина Ташевска-Ременски денеска се сретна со регионалната директорка на UN Women за Европа и Централна Азија, Ингибјорг Солрун Гисладотир.
На средбата, како што соопшти Министерството за труд и социјална политика, се разговарало на повеќе заеднички теми како што се можностите за идни соработки во доменот на еднаквите можности, за искористувањето на ИПА фондовите кои стојата на располагање на Република Македонија со цел јакнење на капацитетите и механизмите кои работат на прашањето на родовата еднаквост како на национално така и на локално ниво. Била истакната и важноста на родово одговорното буџетирање.
Двете соговорнички се задржале на прашањата поврзани со размената на добрите практики и искуства, како и јакнење на соработката помеѓу земјите кандидатки за влез во Европската унија.
.gif)
.gif)
