Со посебна чест ја примив благодарницата од страна на Митрополитот Иларион од Брегалничката епархија, врачена “за извонредната соработка и посебно укажаната помош во делото на запазувањето на достоинството на нашата света Македонска православна црква – Охридска архиепископија”.
Задоволството е дотолку поголемо што токму оваа генерација архијереи на МПЦ-ОА, со православното свештенство, монаштвото и со православниот народ, преку интензивна комуникација со Вселенската Патријаршија во последните 4 години, во која учествував како претставник на Владата на Северна Македонија, заеднички успеавме да издејствуваме историска одлука и долгоочекувано вековно признание за постоењето на нашата црква и за стекнување на правото за литургиско единство со останатите православни цркви.
Нека е вековита нашата МПЦ – ОА!
.gif)
.gif)
