Сенегалските фудбалери станаа шампиони на Африка откако во вечерашното финале на Купот на нации го совладаа Египет по подоброто изведување пенали.
Ова е воедно и прва африканска титула за Сенегал.
Сѐ започна жестоко и во четвртата минута беше досуден пенал за Сенегал откако Абделмонем го фаулираше Сис во шеснаесетникот. Следуваше „игра на нерви“, а Салах во еден момент стигна до голманот Габаски за да му даде инструкции каков пенал ќе шутира неговиот соиграч од Ливерпул, Мане. Се чини дека тоа помогна, па Габаски извонредно го одбрани пеналот на првата ѕвезда на Сенегал.
Иако стартот на натпреварот беше многу ветувачки, следеше потивок дел од натпреварот, сѐ до две минути пред паузата кога Менди го одбрани ударот на Салах и спречи водство на Египет.
Во вториот дел Сенегал беше подобар тим на теренот, но мрежите не се тресеа и беше јасно дека нѐ очекува нова драма.
SADIO MANE SCORES THE WINNING PENALTY TO WIN #AFCON2021 FOR SENEGAL 👑 pic.twitter.com/OQj92Ys9VV
— GOAL (@goal) February 6, 2022
Во продолжението и двете селекции можеа да освојат гол вреден злато, но голманите блескаа, па новиот африкански шампион беше освоен по изведување на пенал. Посреќни и поумешни беа фудбалерите од Сенегал кои на тој начин и донесоа големо славје на својата земја.
За Сенегал, Кулибали, Диало, Диенг и Мане погодија од пенал, а Сар промаши. Од друга страна, Зизо и Хамди беа прецизни, додека Египќаните ги чинеше промашувањето на Абделмонем и Лашен.
Ова е прва африканска титула за Сенегал откако двапати загуби во финалето (2002 и 2019 година).
https://youtu.be/RXFuWOd1hkA