СДСМ: Се грижиме за дијаспората, мотивираме соработка

By
Народен Глас
-
0
1070

Соопштение на СДСМ:

Денеска во Брисел, на средби со наши државјани кои живеат и работат во Белгија се членовите на Извршниот одбор на СДСМ, Едмонд Адеми и Аднан Џафероски.

На средбата се разговара за актуелната политичка состојба во Македонија, за фокусираноста на СДСМ за организирање и одржување регуларни избори во декември, како и за Планот за Македонија со којшто СДСМ по изборите ќе обезбеди добар живот за сите.

Пораката на присутните граѓани од дијаспората, Македонци, Албанци, Турци, Срби, Власи, Роми, Бошњаци, на денешната средба со претставниците на СДСМ во Брисел, е стабилна Македонија, економски развиена и со институции што се грижат за сите граѓани подеднакво, како за оние кои живеат во државава, така и за оние кои се на привремена работа во страство.

Адеми и Џафероски објаснија како СДСМ планира да го подобри животниот стандард и да мотивира живот во Македонија. Соопштија и повеќе мерки со кои се отвора шанса за граѓаните кои заминале од Македонија да можат да се вратат. Една од нив е директна поддршка од државата на третина од инвестицијата на повратник од странство, ако со неа бидат вработени најмалку 10 лица.

На средбата се разменети идеи и размислувања со припадниците надијаспората околу нивната важна улога во обнова на државата по изборите на 11 декември.