СДСМ: Полицијата да го расветли инцидентот во Драчево, ваквите инциденти не можат да ги спречат демократските промени што носат живот за сите во Македонија

„Очекуваме полицијата да го расветли инцидентот во село Драчево, во којшто е мавано со камења кон штаб на СДСМ.

Искршени се надворешни стакла. Според информациите од теренот, тоа се случило рано утрото, по полноќ.

Случајот е пријавен во полиција и во моментов се прави увид.

Порачуваме дека ваквите инциденти не можат да ги спречат демократските промени што носат живот за сите во Македонија.

Така избраа граѓаните. Ќе живееме во праведно и правично општество каде секој кој го нарушува мирот на граѓаните ќе мора да одговара“, се вели во соопштението на СДСМ.