РАДМИЛА ШЕКЕРИНСКА ОД РЕСЕН : ПАРИ НЕ СЕ ТРОШАТ НА СПОМЕНИЦИ, ИМАМЕ ЗГОЛЕМЕНА МИНИМАЛНА ПЛАТА ИМАМЕ ЖИВОТ ВО ОПШТИНИТЕ!

Како Влада и во изминатите години земавме една обврска, да не ги трошиме парите на палати, да не ги трошиме парите на споменици и да не ги вложиме сите во еден квадратен метар во центарот на Скопје. Наместо тоа, решивме парите да одат таму каде што се најпотребни, кај граѓаните и кај општините бидејќи во општините е животот.

Успеаваме со политика која претходно сите ја критикуваа, навистина за три, три и пол години минималната и просечната плата да ги покачиме за 6 илјади денари, три пати повеќе отколку што растеле во минатото.

Успеавме со тие политики да создадеме и нови работни места, но и да покажаме дека платите мора да продолжат да растат.

И затоа излегуваме пред вас и ја бараме поддршка и во нивно име за да продолжиме со таа политика, парите да одат кај граѓаните, парите да доаѓаат во општините, парите да се вложуваат во инфраструктура.

И затоа сама да ви порачам, немајте дилеми, во Ресен излегуваме со „Најдоброто“ за да можат тие да го вратат „Најдоброто“ на Ресен и на Преспа.