Windows 10 ја доби првата надоградба по објавувањето на оперативниот систем на 29 јули, но моментално се работи на поголемо издание кое ќе излезе наредната недела.
Како што велат најновите извештаи, Windows 10 Release 1, ќе биде објавен на 10 август. Она што се уште не е јасно е тоа дали Microsoft овие надоградби ќе ги пушти најпрво на членовите на Windows Insider или одма ќе бидат објавени за сите корисници.
Во основа, Service Release 1 е уште еден голем пакет кој е посебно наменет за отстранување на грешките и оптимизација на оперативниот систем.
Со ова почнува стратегијата која како што ја нарекуваат од компанијата „Windows како сервис“ во која се очекува брзо темпо на објавување на надоградувањата.