Љупчо Палевски пред 8 месеци беше притворен на аеродромот во БЕЛГРАД на пат за Москва врз основа на потерница по Интерпол издадена од Хрватска. Информациите од неговиот адвокат тогаш објавени во нашите медиуми беа дека хрватите ја издале потерницата заради судски спор за долг на Палевски кон бизнис партнер од 3 500 евра.
Конечно тој синоќа преку неговиот фејсбук профил објави дека е слободен.
-8 месеци србиве ме носеа на суд во Хрватска а хрвативе за 10 дена ме пуштија раат. Јустијана на балканов е класична к**ветина – напиша Палевски на неговиот фејсбук профил.
Палевски е поранешен прв човек на Скопските социјал демократи но низ годиниве е жесток критичар и на владеачката СДСМ и на опозициската ВМРО ДПМНЕ. Тој беше и предмет на истрага и предмет на СЈО на Катица Јанева, беше приведен од нивните инспектори, му беше направен претрес како што известуваа медиумите на неговиот дом и компјутерите кои ги поседувал, но се заврши само на претресот, немаше покренато обвинение ниту информација што и дали нешто СЈО најде кај него. Сомнежот наводно бил дека поседувал дел од снимки од прислушуваните разговори таканаречените бомби.