ОТКРИЕНИ ПРВИТЕ ДЕТАЛИ ЗА ИДНИОТ ONEPLUS 12

0
469

Минатата недела се појавија извештаи за следниот флегшип OnePlus 12, кој би можел да дебитира во Кина во декември. Потсетуваме дека OnePlus 11 беше претставен во Кина на 4 јануари оваа година, а неговата меѓународна премиера се одржа во февруари.

Дојавувачот @heyitsyogesh сподели детали за инженерски примерок на идниот уред, кој се чини дека има подобрена камера. Телефонот може да понуди главен сензор од 50 MP, ултра широкоаголна камера од 50 MP и 64 MP со перископ леќа.

Дополнително, логично ќе го користи чипсетот Snapdragon 8 Gen 3 (SM8650), а дисплејот може да биде OLED со дијагонала од 6,7 инчи, Quad HD резолуција и брзина на освежување до 120 херци. Се чини дека батеријата ќе има капацитет од 5000 mAh и брзо полнење до 100 вати.

Извор : Конект.МК