ОКТА со донација на гориво ќе се приклучи на акцијата за помош на настраданото население во поплавите

0
1315

Компанијата ОКТА ја понуди својата помош преку донација на гориво за механизацијата која што интензивно работи на санирање на штетите од поплавата.

Со оваа донација на Град Скопје ќе се овозможи непречена работа на механизацијата ангажирана во зафатените подрачја на општина Гази Баба.

Покрај помошта со гориво, OKTA донираше и финансиски средства за набавка на неопходни производи за загрозените семејства. Истовремено, вработените на ОКТА, самоиницијативно организираа хуманитарна акција за помош на своите сограѓани, а од собраните средства набавија гумени чизми, гумени ракавици, плински боци и средства за хигиена, кои во соработка со Црвениот Крст ќе бидат доставени директно до поплавените подрачја.