Поголемиот дел од годината на островот времето го поминуваат вкупно девет личности.
Поголемиот дел од жителите денес го сочинуваат околу 300 овци, дваесетина говеда и околу 200 фоки. На островот нема вода, асфалтирани патишта, автомобили, а ни тоалети во куќите.
Велшкиот остров е познат и како „Островот на 20.000 светци“, поради бројот на гробови кои се наоѓаат на него. Се вели дека на овој остров не е можно да се зарие лопата на некое место, а да не се удри во нечија коска.
Со овој остров се поврзуваат многу легенди, па и оние најпознатите за Кралот Артур. Според некои приказни, островот Бардси е легендарниот Авалон, местото каде што е погребан Артур.
Островот бил свет за старите Келти, таму се извршувале ритуали, а во средниот век тој бил важно место за христијаните кои оделе на аџилак.
Денес на него се наоѓаат светилник, една фарма и остатоци од манастирот.
Иако се чини дека островот никогаш во целост нема да биде модернизиран, некои работи полека се менуваат. Фрижидерите се напојуваат со енергија од соларни панели, а жителите на островот можат да комуницираат со копното преку сателитска врска.