Ниту карантин ниту тестови: Бугарија, Србија и Грција ги отвораат границите од 1 јуни – што е со Македонија?

0
1444

Бугарија, Грција и Србија постигнале договор за отворање на границите од 1 јуни за секаков вид на патувања. При влез нема да се бараат тестови и нема да има никакви карантински мерки. Информацијата пред малку на прес-конференција ја соопшти бугарскиот премиер Бојко Борисов. Тој рече дека при влез во земјите ќе се пополнува формулар со кој патниците ќе потврдат дека во моментот на патувањето не се наоѓаат во карантин.

Кон овој договор како што рече Борисов веројатно ќе се приклучи и Романија.

Што ќе се случува со патувањата од и во Македонија се уште нема официјална информација. Министерот за здравство Венко Филипче минатата недела рече дека е во преговори со грчкиот колега кои треба да резултираат со договор а патување без карантин и здравствени пасоши.

Доколку Македонија остане надвор од овој договор тоа ќе биде силен удар и за македонската економија, особено ако се знае дека голем број туристи од Европа кои одат во Грција поминуваат токму низ нашата земја. Но мали се шансите за тоа, многу е веројатно и ние да станеме дел од оваа приказна, затоа што Македонците годишно оставаат над 1 милијарда евра на плажите во Грција и нема шанси Грција да се откаже од тие пари. А и цела Србија за Грција поминува низ нашата земја, многу им е поскапо и подолго да вртат преку Бугарија.