Кризата во својата суштина е криза на (не)одговорност и брутална партизација: правната држава, што требаше да ја зацврстуваме, ја направија целосно партиска држава. Македонија, со премалку исклучоци, денес е збир на институции без доверба и образ, слуги на партијата на власт, а не на граѓаните и Уставот.
Затоа изборите, дури и да се слободни и фер, сами по себе нема да ја решат кризата, но се нужен прв чекор кон можноста за правна држава. Ако сакаме држава и достоинствен живот, а не партиска играчка и понижувачко преживување, тогаш Груевски треба да се порази на избори. Наједноставно, после сето што го слушнавме, по сите извештаи, по истрагите што ги отвори СЈО, има ли некој кој мисли дека со него на власт ќе имаме независни институции и одговорност? Судови во кои ќе верува јавноста? Тој пат води кон пропаѓањето.
Кризата на неказнивост и брутална партизација може да се реши само со одговорност, правна држава и меритократија (не од која партија си туку колку те бива).
Никола Димитров – Фејсбук статус