-Дали не сметате дека со оваа одлука за формирање на Ковид- 19 болница во Кавадарци ќе се зголеми стравот кај нашите сограѓани за пружање на основни здравствени услуги надвор од вирусот Ковид-19? – прашуваат од ВМРО ДПМНЕ ОК Кавадарци, по најавата за отворање на Ковид-19 одделение за прием на дијагностицирани пациенти.
-Кавадаречката јавност треба да знае зошто се отвора Ковид-19 одделение за прием на дијагностицирани пациенти, кога до сега во неа немаше инфективно одделение туку функционираше само со инфективна амбуланта и дали може да функционира Ковид-19 одделение со само еден инфектолог.
Благодарение на свеста,почитувањето и спроведувањето на превентивните мерки на кавадарчани, ние како град релативно успешно се справуваме со овој вирус.
Нашата болница е преполна со пациенти со останати заболувања, не само од Кавадарци туку и од околните градови.
Со формирањето на Ковид-19 болницата поради неспособноста на Владата на СДСМ се доведува во прашање здравјето на граѓаните од останатите групи на заболени лица.
Одговорност мора да има, бидејќи здравјето на граѓаните е пред се – порачаа од ВМРО ДПМНЕ ОК Кавадарци.
Поголемиот дел од кавадаречката јавност го дочека ставот на партијата со негодување. Прашуваат дали доколку има нови позитивни лица во општината, подобро е да трчаат на клиника во Скопје или во други градови, доколку може да се лекуваат во својот град.
-Вака ли се грижите за народот? И болницата во Кавадарци е дел од здравствениот систем, а вашите партиски ставови се контрадикторни. Не знаете каде терате со овие изјави – порачаа граѓаните на социјалните мрежи.