НЕВЕРОЈАТНО: Аферата „Маџар телеком“ ќе ја решава истиот обвинител што го гонеше Богоевски во случајот “Агент“

Повикувајќи се на непотврдени сознанија, Утрински весник пишува дека скандалот со „Маѓар телеком“, му е доделен на јавен обвинител кој пред две години, во рамки на акцијата наречена „Агент“, поведе кривична постапка против екс-разузнавачот Слободан Богоевски и уште неколку други лица, меѓу кои и двајца скопски адвокати.

Овој случај финишираше со правосилна судска пресуда, но она што е битно за предметот викан „Агент“ е тоа што во него се јавува Гркот Димитрис Кондоминас, кој е клучна фигура и во скандалот „Маѓар телеком“ во врска со давање мито на високи државни функционери.

Како одминува времето станува се поизвесно е дека скандалот со „Маѓар телеком“ ќе добива на интензитет и на динамика, пишува Утрински. 

Преткривичната постапка, која пред само неколку дена ја почна Основното јавно обвинителство за гонење на организиран криминал и корупција, а во која се уште нема ниту едно осомничено лице, само е потврда дека во скандалот со „Маѓар телеком“, сепак, имало облици на корупција од големи размери, но тоа во исто време не значи дека токму ова обвинителство ќе ја води натамошната постапка.