НАЈЧЕВСКА НА КАНАЛ 5 БУКВАЛНО ЕКСПЛОДИРА И СО ТЕШКИ НАВРЕДИ И ВРИШТЕЊЕ ГО ВРЕЃАШЕ НОВИНАРОТ ЗОРАН ИВАНОВ : ВИЕ СТЕ БЕЗ ДВА ГРАМА МОЗОК!

0
9722

Откако сопругот на професорката Најчевска, Сашко Тодоровски со одлука на Министерството за надворешни работи на Република Северна Македонија беше повлечен од амбасадорската функција во Чешка поради назначување на неговата сопруга како „Аташе за наука“ на Македонија во Чешка и тоа кое е само еден дел од погрешните дипломатски одлуки или скандали, професорката на дебата со новинарот Зоран Иванов на Канал 5 буквално експлодира и почна да го вреѓа со тешки навреди па на моменти дури и вришти хистерично.

Повлекувањето на амбасадорот од Прага претставува долг процес кој беше воден од Комисиијата во рамките на Министерството за надворешни работи, кои констатираа бројни прекршувања на процедурите и дипломатските практики, кои беа поткрепени и со материјални докази и прецизни констатации:

Во рамките на материјалното финансиско работење, при активностите за санирање на објектот на амбасадата, не се испочитувани внатрешните процедури и склучени се договори без согласност на Министерството; по истите Договори подоцна исплатени се финансиски средства без материјално покритие за истите.

Без согласност од МНР амбасадорот ангажирал локален персонал и склучил договори за ангажман на локален персонал, што е спротивно на интерните акти на МНР, поточно член 9 и член 10 од Правилникот за ангажирање локален персонал и спроведување практична работа на студенти во дипломатски и конзуларни претставништва.

Амбасадорот на Република Северна Македонија во Чешка, Сашко Тодоровски без претходна соодветна одлука на Министерството, ја претставувал сопругата за „Аташе за наука“ на Македонија, иако таа го немала добиено тоа дипломатско звање; прекршувајќи ги сите правила и надминувајќи ги ингеренциите кои ги има, ги довел во заблуда претставниците на научните и образовни институции во земјата на покривање.

Ги прекршил правилата на добрата дипломатска практика, и без да најави, не присуствувал на испраќањето на Претседателот на Владата сосе неговата придружна делегација за време на посетата на земјата на покривање, оставајќи непријатен впечаток пред дипломатските претставници на земјата – домаќин.

Во рамките на мандатот амбасадорот беше повикан на консултации во Скопје за да објасни дел од прекршувањата и направените неправилности, но иако ја напуштил земјата на покривање, без дозвола ја напуштил и земјава и подоцна пријавил дека отишол на одмор, за што е потребна посебна дозвола.

Сите овие дејствија, поткрепи со материјални докази и прецизни констатации, се дел од извештајот изготвен од Комисијата во рамките на Министерството за надворешни работи кој подоцна е усвоен од Владата.

Констатирајќи ги сите овие неправилност кои се дел од извештајот на Комисијата, Владата донесе одлука за повлекување на Амбасадорот. По веќе донесената одлука на Владата, Амбасадорот поднесе барање за предвремено повлекување, соопшти МНР .