Македонската православна црква – Охридска архиепископија (МПЦ-ОА) ќе формира солидарен фонд, во кој со свои финансии ќе учествува клирот на Црквата, храмовите, манастирите и епархиските центри.
Собраните средства ќе бидат поделени на погодените во поплавите.
Црковната кујна при храмот „Свети апостоли Петар и Павле“ во Ѓорче Петров ќе подготвува оброци за настраданите, кои ќе бидат дистрибуирани во текот на денот.
МПЦ информира дека ја разгледале состојбата во поплавените делови на Град Скопје и низ Република Македонија, како и извештајот од нивните досегашни активности на терен преку дистрибуција на храна, хигиенски средства, облека и друг вид помош.
Состојбата бара уште многу вложување на труд, сили и финансиски средства, особено во втората фаза од справувањето со последиците од невремето, велат од МПЦ.
.gif)
.gif)
