Огромна чест и задоволство ми е да Ве видам во толкав број и да Ви се обратам како претседател на Комисијата за спорт на СДСМ што заедно ја пишуваме програмата за следниот мандат. Тука сме да го слушаме гласот на спортистите и спортските работници. Креираме програма за наредните 4 години исклучиво во интерес на спортистите и граѓаните , рече претседателот на Комисијата за спорт на СДСМ, Наумче Мојсовски на почеток на тематската трибина Агенда Спорт 20-24.
Мојсоски истакна дека тимот на СДСМ вклучи истакнати спортисти кои имаат искуство и изворно ги познаваат сите предизвици со кои се соочува спортот.
Овој тим на искусни спортисти знае како се работи на полето на спортот. Заедно со мене во тимот се европски шампиони како Андријана Будимир, Владо Недановски, кошаркарската легенда Тодор Гечевски и многу други истакнати спортисти. Го враќаме спортот на спортистите. Заедно со граѓаните, со спортските работници, спортисти, создаваме програма заснована на потребите на спортот и спортистите, рече Мојсовски.