Митрески од Охрид: Просечната плата ја качуваме на 36.000 денари, со победнички концепт поддржан од граѓаните одиме на победа на 12 април!

Пратеникот на СДСМ, Јован Митрески вечерва присуствуваше на средба со граѓаните во Охрид каде порача дека граѓаните секојдневно се придружуваат семејството на СДСМ и го поддржуваат концептот којшто се грижи за граѓаните, концепт којшто победува

– На 12 април добиваме чист мандат по што продолжуваме со промените! Просечната плата ќе достигне 36.000 денари, а невработеноста во новиот мандат ќе падне на 8%, порача Митрески.

Митрески кажа дека владата предводена0ид СДСМ, успеа за 2 и пол години да отвори 60.000 нови работни места, а во следните 4 години ќе се обезбедат нови 100.000.

– Денес сме 30 земја членка на НАТО и ќе отвориме преговори со ЕУ. Одиме по прав пат и затоа на 12-ти април убедливо ќе победиме, рече Митрески на средбата во Охрид на која присуствуваше и пратеничката Жаклина Лазаревска.