МАРИЧИЌ : ПОДГОТВЕНИ СМЕ ЗА РАБОТНИ ГРУПИ СО ОПОЗИЦИЈАТА ЗА ИМПЛЕМЕНТАЦИЈА ЗА УСТАВНИТЕ ИЗМЕНИ

0
532

-Денеска опозицијата некако ретерира од ставот дека е за уставните измени за разлика од вчера. Ние сме подготвени уште веднаш да се формираат работни групи и тимови како да се имплементира оваа идеја, кажа денеска Маричиќ на настанот „Аудиториум“, во организација на Институтот Бирц, на УЈИЕ во Тетово.Тој додаде дека власта е подготвена да иницира и закон за преговорите со ЕУ, за сите да имаат сигурност дека нема да се задира во идентитетот.

-ВМРО-ДПМНЕ не треба да ја одбие понудената рака за соработка, ние уште денес би стапиле во комуникација дали може да се продолжат средбите, не мора да се на највисоко ниво, туку средби на какво било ниво. Понудената рака е великодушна од сите партии, бидејќи ВМРО-ДПМНЕ нема причина да не гласа за уставните измени кои ни се толку многу потребни, истакна Маричиќ.