Заменик претседателот на Владата задолжен за европски прашања, Бојан Маричиќ, во интервјуто за српски „Блиц“ изјави дека со отстранувањето на Протоколот од преговарачката рамка и со целосна заштита на македонскиот јазик и идентитет, имаме предлог кој нема никаква штета за нас и државните интереси, напротив, дека предлогот дава шанса за исполнување на стратешката цел на државата и она што 17 години го чекаме, а тоа е почеток на преговорите како Македонци кои зборуваат македонски јазик.
-Со изменетиот, прецизиран, дополнет француски предлог го добивме она за што со години се бориме, а тоа е чиста формулација на македонскиот јазик, без никакви фусноти, ѕвездички, дообјаснувања, што за нас беше најважно во зачувување на нашите национални интереси. Македонскиот јазик успеавме да го заштитиме, онака како што ветивме. Граѓаните нема за што да се грижат, македонскиот јазик со овој предлог станува еден од идните официјални јазици на Европската Унија. Преку заштита на македонскиот јазик најдиректно обезбедуваме и заштита на идентитетот на македонскиот народ, рече Маричиќ.
На прашањето дали овој предлог води до сценарија, на кои се повикува опозицијата, за некаква асимилација или вечно преговарање со Унијата, вицепремиерот Маричиќ изјави дека апсолутно не се точни ваквите тврдења и дека добивме предлог кој излегува во пресрет на сите наши забелешки и затоа Маричиќ мисли дека вреди да се разгледа сериозно.
-Францускиот предлог има две сценарија: почеток на преговорите со Европската Унија и реална можност полесно и побрзо да излеземе од лавиринтот за решавање на отворените прашања со Бугарија. Второто сценарио е одбивање на овој предлог и чекање на некој друг, нов, кој не се знае кога би бил, под кои услови и во каква форма. Тоа според мене е давање нова шанса за нови барања од Бугарија и комплицирање на целиот процес, особено сега кога Бугарија се наоѓа во ваква политичка ситуација. Во пресрет на нови избори, со одбивање на предлогот, македонското прашање ќе биде повторно актуелно во бугарските политички кампањи, а тоа за нас не е добро и не ни оди во прилог, истакна Маричиќ.
Вицепремиерот Маричиќ рече дека направиле многу, а плодот на заложбата и искрена посветеност на целиот процес е овој предлог во кој успеале да бидат вградени македонските ставови и забелешки, додавајќи дека паѓаат во вода сите лажни вести, дезинформации, од страна на опозицијата, со кои само предизвикуваат кај граѓаните страв, несигурност и емоции.
-Македонскиот јазик успеавме да го заштитиме, онака како што ветивме. Граѓаните нема за што да се грижат, македонскиот јазик со овој предлог станува еден од идните официјални јазици на Европската Унија, кажа во интервјуто Маричиќ за „Блиц“.
.gif)
.gif)
