Македонија се придружи на бојкотот на доделувањето на Нобеловата награда за литература на контроверзниот австриски писател Петер Хандке.
Повеќето балкански држави го бојкотираа доделувањето поради тоа што Хандке му даваше поддршка на Слободан Милошевиќ и го негираше геноцидот во Сребреница.
-Мора да се спротивставиме на негирањето на геноцидот. Затоа му дадовме инструкции на амбасадорот на Северна Македонија во Шведска да не земе учество во церемонијата на доделувањето на Нобелова награда на Хандке, напиша министерот за надворешни работи Никола Димитров на Твитер.