По поднесени три кривични пријави од страна на адвокат Жарко Стеваноски до градоначалникот на Општина Прилеп Марјан Ристески поради злоупотреба на својата службена должност прилепскиот градоначалник кој во бомбите на Заев во Прилеп во разговор со министерот за финансии Зоран Ставрески се заканува со рушење на летните бавчи со хилта на кафичите каде сопствениците не се припадници на владејачката ВМРО-ДПМНЕ поднел кривична пријава до адвокатот Стеваноски поради нарушен углед. Па народе ова лудо и ненормално контра сценарио на се и сешто го нема ни во најлудите серии на ,,Монти Пајтон” и ,,Ало Ало”! 😀
Во изјава за порталот РеволуционерМк адвокатот вели „За да може градоначалникот Марјан Ристески да поднесе кривична пријава за лажно пријавување на кривично дело, потребно е или кривичната пријава која јас сум ја поднел да биде отфрлена со Решение од страна на Јавното обвинителство, или пак по завршувањето на евентуално поведената кривична постапка делото да заврши со ослободителна пресуда против пријавениот. Но и тогаш, доколку не постојат аргументирани докази дека без правен основ и без постоење на основано сомнение сум поднел кривична пријава, дури ни тогаш не може да биде поднесена кривична пријава против мене. Од тие причини, ова не е ништо друго освен обид на Ристески да изврши притисок и врз обвинителството, но и врз мене“.