Охридскиот рамковен договор донесе нов дух на водење политики – политики кои градат мостови, а не ги рушат. Денеска одбележуваме 20 години од потпишувањето на Охридскиот рамковен договор, со кој беше обезбедена мирната иднина и натамошната демократска изградба на нашата држава, со еднакво учество на сите нејзини етнички заедници.
„После Охрид“, сите заедно, без разлика на нашата етничка, национална, верска, социјална, културна припадност, изградивме едно и еднакво општество, каде секој може да најде просперитет и подобра иднина.
На нас останува да си го чуваме тоа што заедно го постигнавме овие 20 години и да бидеме благодарни на современиот свет од кој многу учиме и кој многу ни помага, пред сѐ нашите стратешки партнери – САД и ЕУ.
Северна Македонија 🇲🇰 е прекрасен мозаик од етнички и други заедници и различности.
Почитувајќи ги овие уникатности и истовремено јакнејќи ја институционално нашата држава со преземање инклузивни политики и позитивни мерки ги поставивме темелите на Северна Македонија како едно рамноправно општество.
Фејсбук статус на премиерот Зоран Заев.