ЗОРАН БОЖИНОВСКИ ГО ВПЕРИ ПРСТОТ КОН ДИРЕКТОРОТ НА ЕСМ КОВАЧЕВСКИ ЗА СВОЕТО ПРЕТЕПУВАЊЕ, ГО ОБВИНУВА ДЕКА ТОЈ Е НАРАЧАТЕЛ, НАВЕДЕ И ЛИЦА ЗА КОИ ТВРДИ ДЕКА СЕ ИЗВРШИТЕЛИ

0
2054

Го пренесуваме во целост фб постот на Зоран Божиновски кој беше претепан пред десетина дена во Битола, порачуваме до читателите овие негови тврдења да бидат земени со доза на резерва се додека за тоа не се поризнесат судските органи, засега ова се само шпекулации кои сепак одлучивме да ги објавиме зошто мислиме дека случајот треба да се расчисти во целост, никој не смее да биде физички напаѓан за искажан збор, апелирам до споменатите да испратат деманти или изјави на [email protected]:

ДЕНЕС ПОДНЕСОВ ПРИЈАВА ВО ЈО ЗА ГОКК, ЗА НАПАЃАЧИТЕ, ПОСРЕДНИКОТ И НАЛОГОДАВАЧОТ НА НАПАДОТ ВРЗ МЕНЕ НА 25 ОКТОМВРИ О. Г. ВО БИТОЛА Врз основа на мои сознанија, а по средби со три различни извори, припадници на безбедносните служби на Република Македонија дојдов до следниве сознанија: На 25 октомври о. г., околу 20 30 часот бев нападнат и брутално претепан пред станбена зграда на ул. ,,Кочо Рацин,, 42 во Битола од ТРИ, тогаш маскирани лица. Бев тешко телесно повреден, заедно со мој пријател од Битола, од маскираните напаѓачи. Нападнаа двајца, третиот чекаше во возило марка ,,голф,,, сребрена боја. Маскираните лица тогаш ми беа непознати, а на полицијата од СВР Битола станале познати следните неколку денови. Од мои извори во полиција дознав кои се лицата и сега се демаскирани. Станува збор за:

СТЕФАН БУКЛИЕВСКИ, син на Марјан викан Златаро, од Битола БОРЧЕ ПЕТКОВСКИ викан БОБО, син на Зоран Петковски викан ТАРЗАНО, од Битола и АНДРИЈАН АРТУК ЈУСУФИ викан Риџо, од Битола Посредник и исплаќач на услугите кои ги пружиле напаѓачите, значи посредник помеѓу напаѓачите и нарачателот е МИЛЕ ВЕЉАНОВСКИ, вработен во РЕК БИТОЛА, од Битола. Нарачател на нападот е ВАСКО КОВАЧЕВСКИ, генерален директор на АД ,,ЕСМ,,, од Битола. Мотив да биде нарачан, платен и извршен нападот е стравот на генералниот директор на ,,ЕСМ,,, Васко Ковачевски од мое појавување на трибината на политичката партија СДСМ во Битола и страв ако се појавам да не поставувам прашања за неговиот криминал и злоупотреби на службената положба во РЕК БИТОЛА и АД ,,ЕСМ,,…

Очекувам ваша УРГЕНТНА реакција по оваа моја пријава. СВР Битола и МВР на Северна Македонија ќе ги известам веднаш по поднесувањето на оваа пријава. Во СВР Битола ги имаат сите детали во врска со нападот, ги имаат сите докази кои се прибрани во рекордно време, имаат видео снимки од над 170 видео камери во околината каде се случи нападот… Воедно сакам да ви свртам внимание дека јас сум ЕКСТРАДИРАНО лице од Србија, во предмет ,,ШПИОН,, застапуван од вашето обвинителство. Пред да бидам екстрадиран од Србија, таму барав политички азил поради моја небезбедност во мојата земја. Спеак, кога бев екстрадиран во екстрадиционата документација беше нагласено дека МАКЕДОНИЈА Е БЕЗБЕДНА ЗЕМЈА И НЕ ГИ ИСПОЛНУВАМ УСЛОВИТЕ ЗА ПОЛИТИЧКИ АЗИЛ ПО ТОЈ ОСНОВ. Еве се покажа на дело дека мојата земја за мене не е безбедна…Во Скопје, 2 декември 2022