За 2,5 години СДСМ за граѓаните направи многу повеќе отколку ВМРO-ДПМНЕ за 11, тоа пресвртот кој е потврден од домашната и меѓународната јавност

За 2,5 години СДСМ за граѓаните направи многу повеќе отколку ВМРO-ДПМНЕ за 11, тоа пресвртот кој е потврден од домашната и меѓународната јавност

Пресвртот за кој зборува СДСМ значи ослободување на заробената држава во уникатен и позитивен пример во регионот. Пресвртот значи решавање, а не создавање и молчење пред големите политички прашања, кои по правиот пат не носат во европското семејство.

Заслепени од децениското практикување на режимска власт, ВМРО ДПМНЕ нема капацитет да сфати каков пресврт направивме за државата и за македонскиот народ. Од изолирана држава и регионални непријателства создадовме меѓународно призната држава со стратешки сојузништва. Тоа е потврдено од целиот демократски свет.

Пресвртот за кој зборува СДСМ значи создавање на граѓански и отворени институции, оние истите кои ВМРО ДПМНЕ ги имаше проголтано со режимската челуст. Од партизирани и неорганизирани административни служби правиме пресврт во професионална, ефикасна и сервисна администрација.

Повеќе нема телефонски нарачки за пресуди и притвори. Судството кое во кал го закопа ВМРО ДПМНЕ ние го правиме вистинска независна власт. Имаме намера преку законски решенија да направиме пресврт во целиот правосуден систем. Затоа пресвртот го започнуваме со нов Закон за јавно обвинителство.

Од сиромашни граѓани, угнетени и уценети, претворени во послушна гласачка машинерија создаваме цивилно општество на слободумни и демократски граѓани. Пресвртот на СДСМ донесе почитување на човековите права, за кои во времето на режимот не смееше јавно да се зборува, а не пак да се остваруваат.

Со пресвртот ги ослободивме медиумите од партиското уредување на вестите. Ги прекинавме владините реклами кои преставуваа корупција и поткуп на новинари и медиуми. Направивме пресврт во слободата на говорот. Тивките шепотења од режимот ги заменивме со гласни ставови.

ВМРО-ДПМНЕ може да продуцира лажни вести колку сака, но не може да замижи пред пресвртот со платите, со растот во сите сектори.

Продолжуваме и со зголемување на пензиите, но и со поголема грижа за пензионерскиот живот. Пресвртот значи и нивна поголема вклученост во општествените процеси за да знаат дека повеќе не се послушници на режимот.

Пресвртот значи минимална плата од 14.500, решавање на проблемот на 12.000 стечајци, навремени и повисоки субвенции за земјоделците, низа мерки за вработување, намалување на невработеноста и сиромаштијата, зголемување на социјалните трансфери… Пресвртот што го направивме за две години ВМРО ДПМНЕ не можеше ни да го замисли за цели 11.

СДСМ знае дека пресвртот не е можен без поддршка на граѓаните, но тие знаат дека ВМРО-ДПМНЕ нуди само деструкција, блокади и криминал и затоа на 12 април ќе ги поддржат политиките кој обезбедуваат повисок животен стандард за сите.