Во искушение сум бидејќи на некој начин е очигледно дека се работи за предизборен фолклор и колку поголема реакција предизвика оваа објава кај нас толку поголем ефект има кај нив.
Вака вицепремиерот Никола Димитров денеска ја коментираше осмомартовската честитка на бугарскиот вицепремиер Красимир Каракачанов, на која е поставена карта од Санстефанска Бугарија во чиј состав е ставена и Македонија.
„Во искушение сум бидејќи на некој начин е очигледно дека се работи за предизборен фолклор и колку поголема реакција предизвика оваа објава кај нас толку поголем ефект има кај нив. Меѓутоа принципиелно и со умерени зборови ќе кажам дека со оние кои сакаме да имаме добрососедски односи важно е да сме внимателни во она што го кажуваме и објавуваме на социјалните мрежи и треба да избегнуваме објави во кои има територијални претензии“, изјави Димитров на новинарско прашање, на денешната прес-конференција на која беше претставена новата владина агенда „Европа дома“.
И премиерот Заев денеска го коментираше потегот на Каракачанов.
„Како што е подготвен да шутира Никола и јас сум, веројатно кога ти местат пенал, но мора да внимаваме дека натпреварот трае и треба да трае. Ова го кажувам од аспект што Договорот за пријателство со Бугарија покажува дека државите меѓу себе немаат територијални претензии, а притоа ќе кажам и јас дека немам намера да влегувам во предизборен фолклор на соседна земја или која било друга пријателска земја“, рече премиерот Зоран Заев на прес конференцијата во Владата.
.gif)
.gif)
