Заев: Остануваме пред Влада до крај, до оставка на Груевски

Лидерот на СДСМ, Зоран Заев, апелираше на мирни и ненасилни протести в недела.

„Со мирни протести ќе им дадеме поддршка на полицајците кои ќе ги обезбедуваат протестите. Припадниците на СДСМ добија задача со телефони да ги сликаат сите кои ќе вршат насилство. Очите 16 да ги отвориме, за да не не местат. Многу млади луѓе ќе бидат тампон зона меѓу учесниците на собирот со полицијата. Некои веќе најавија дека сакаат да останат и да спијат пред Влада и да биде тоа протест во контекст. Одлуката е остануваме до крај пред Влада, се до оставка на Груевски“, рече Заев.

Тој посочи дека власта ги прави сите можни блокади, уценува авто превозници за да не ги донесат луѓето во Скопје, но, посочи, ако треба и со трактори и камиони ќе дојдат во Скопје.

„На 17.ти да излеземе сите на мирен и достоинствен протест, да покажеме како Македонија се сака со срце“, порача Заев.