Претседателот на СДСМ Зоран Заев денеска имаше проштална средба со амбасадорката на Франција во Република Македонија, Лоранс Оер.
Претседателот Заев се заблагодари за придонесот на амбасадорката Оер во развивање на односите помеѓу Франција и Македонија како и за нејзината силна поддршка за земјава и сите нејзини граѓани.
– Сакам да ви се за заблагодарам лично вам за Вашата неизмерна поддршка досега, како и за поддршката и помошта што Франција ја дава на Република Македонија. Очекуваме оваа подрршка да продолжи и да се интензивира уште повеќе во наредниот период – рече претседателот Заев.
На средбата се разговараше и за актуелни теми поврзани со моменталната политичка состојба во Македонија, како и за целите коишто треба да се исполнат за демократизација и конечно надминување на политичката криза преку кредибилни избори.
– За СДСМ иднината на Македонија е во Европската унија и НАТО. СДСМ ќе направи се да ја врати земјата на демократскиот колосек, на патот на евроинтеграциите и економскиот напредок што ќе донесе подобар животен стандард на граѓаните – додаде Заев.
На крајот од средбата претседателот Заев и посака успех на амабасадорката Оер во нејзините идни ангажмани со надеж дека Македонија ќе може и понатаму да смета на нејзината поддршка.
.gif)
.gif)
