Директорот на Управата за финансиска полиција Арафат Муареми ја повикува јавната обвинителка Вилма Русковска, доколку располага со сознанија и информации за сторен криминал, да ги докаже и на јавноста да и пласира обвинителен акт против него, а не празни и, како што вели, неосновани сознанија и информации, дискредитиријаќи ја во целост функцијата која ја извршува.„Се придружувам и јас кон вашиот повик до амбасадите и сите страни на кои се повикувате за ‘помош’ – нека го потврдат и тие она што jавниот обвинител на Република Северна Македонија го утврди со надзороt над вашето незаконско работење и неетичко постапување. Одговорност за вашето самоволие мора да има“, вели Муареми.
Улогата на еден јавен обвинител, посочува Муареми, најмалку од сѐ е да изјавува дека ќе сподели сознанија и информациии со јавноста за таа да суди кој е криминалец.
„Обвинителката Русковска како намерно да заборава дека криминалот се докажува во рамки на институциите, а граѓаните се тие кои им укажуваат доверба врз основа на нивната работа. Обвинителке, ако се земат последните анкети во предвид, довербата на јавноста и не ви е многу наклонета“, стои во пишаната реакција на Муареми.
.gif)
.gif)
