Два тендера, со иста фирма за приближно иста сума пари од по 100 илјади евра за изработка на квалитативна анализа на имплементација на Охридскиот договор и придружни активности за запознавање на јавноста со резултатите од анализата, објави Телма.
Тендерите ги добила фирмата Таг комуникации чиј сопственик е поранешниот новинар Газменд Ајдини. Ова не е прв пат Ајдини да соработува со институции кои се раководени од кадри на ДУИ. Покрај со Секретаријатот за спроведување на Рамковниот договор, неговата фирма соработувала и со Македонски пошти. Ајдини во телефонски разговор ни изјави дека нивниот ангажман се однесува на техничка подршка на анализата за која треба да се ангажираат експерти и професори, организирање прес конференции, трибини, презентации, истражувања на јавното мислење.
Првиот договор со Секеретаријатот бил склучен во 2013 година а реалзиран една година подоцна. Вториот е склучен на 15 август годинава и треба да заврши во 2016 година. Тендерот според Ајдини е на граница на рентабилност и не е поврзан со каква било блискост со Дуи.
Од Секретаријатот за спроведување на рамковниот договор потврдија дека е склучен договор со фирмата Таг комуникации а анализата која ќе ја подготват во соработка со ОБСЕ и претставникот на Институтот за мир Питер Фејт ќе биде промовирана во декември. Според најавите на виецепремиерот Џафери Дуи ќе инсистира на воведување на албанскиот јазик како втор официјален јазик во државата, рамноправна распределба на буџетот, канал на албански јазик во рамките на МТВ како и ротација на трите најважни државни функции.
.gif)
.gif)
