Амбасадата на САД во земјава денеска околу 18 часот пријавила во Министерството за внатрешни работи дека пред главниот влез на амбасадата на скопско Кале било паркирано возило пикап, кое, по проверките на обезбедувањето на амбасадата со детектори, испаднало позитивно на тестирање на експлозив, пишува Фокус.
МВР веднаш испратило екипа од единцата за антитероризам, чија проверка не се најдени траги на експлозив, а возилото е одземено на дополнително вештачење.
Полицијата интервенирала во американската амбасада и го блокирала сообраќајот пред резиденцијата, но ниту од МВР ниту од дипломатското претставништво не откриле за каков инцидент станува збор.
Амбасада преку својот твитер-профил објави дека вечерва останала без комуникации преку домашните телекомуникациски оператори и дека за сите потреби ќе се комуницира преку американска линија.