Специјалната обвинтиелка Катица Јанева на денешната прес конференција најави дека ќе поднесе барање за заштита на законитоста против решението на Кривичниот суд околу законитоста на лишувањето од слобода на осомничениот Едмонд Темелко.
– Воспоставивме надлежност над предметот „Шпион“ и до Апелационионт суд побаравме да ни биде доставен предметот со сите списи, заради наше понатамошно постапување. Во текот на оваа недела ќе воспоставиме надлежност над предметот „Маѓар Телеком“, предметот против Зоран Верушевски за пиштолот и предметот против Горан Верушевски. Утре до Советот на јавни обвинители ќе биде доставено барање за доставување на предметите со сите списи. Овие предмети произлегуваат од законот за СЈО и содржината на овие предмети се однесува на незаконското следење на комуникациите – рече Јанева.