Министерот за евроинтеграции, Никола Димитров во вечерашното гостување на телевизија Телма рече дека не е точно дека македонската страна молчи на провокациите и навредите од страна на Бугарија, но посочи дека треба паметно да постапуваме и да одговараме возрасно.
-Нашиот став по овие прашања за јазикот и идентитетот нема да се смени ни за осум месеци, ни за 80 години. Ние сега треба да не олеснуваме лоша политка кон нас, со невозрасни изјави. На провокациите да одговараме возрасно: да кажаме дека такви изјави не се изјави на сојузник, така не се гради пријателство.
Во четвртокот станав од средба со Каракачанов и Захариева. Имавме виртуелна средба после Софија, имавме уште обид. На изјава „таканачарен народ“ реков мојот народ тоа не го заслужува и го прекинав состанокот. Потоа состанокот продолжи кратко и го завршивме. Сега ме навлековте тоа да го кажам, немав намера тоа да го кажам. Оваа позиција секако е навредлива. Разликата е дали ќе речеме јас станав, си заминав, ќе направиме прес од тоа, или ќе постапиме возрасно, вели Димитров.
.gif)
.gif)
