ДЕТЕВО Е ЦАР : МАЛИОТ ВАЊА ЃОРЃИОСКИ ОД ПРИЛЕП ВО РИМ, ИТАЛИЈА ОСВОИ ПРВО МЕСТО НА СВЕТСКОТО ФИНАЛЕ НА НАТПРЕВАР ПО АНГЛИСКИ ЈАЗИК ,,ХИПО”

Нашиот ученик Вања Ѓорѓиоски учествуваше на светското финале на натпреварот по англиски јазик Хипо, кое се одржа од 28-30 септември во Рим, Италија.

Се натпреваруваше со ученици од целиот свет:Италија, Хрватска, Србија, Романија, Бугарија, Латвија, Тунис, Малезија, Египет, Филипини, Виетнам и многу други.

Од 28 финалисти во категоријата Хипо 1, го освои ПРВОТО место и доби златен медал, светски признат сертификат за неговото познавање на англискиот јазик и школарина. Неговата менторка, наставничката Фросина Ацевска доби бесплатен TEFL курс.