На улицата во должина од 1.100 метри ќе биде извршена целосна реконструкција, а ќе бидат обновени и оштетените делови од тротоарите и рабниците. Според планираното за околу два месеци улицата ќе биде обновена и граѓаните ќе можат безбедно да возат и да се движат по истата. За овие големи зафати, Градот Скопје одвои околу 15 милиони денари со вклучен ДДВ.
Голема благодарност до градоначалникот Петре Шилегов, до Градот Скопје за одличната соработка со Општина Кисела Вода, која секогаш ни е во наоска на обезбедување на подобар живот за граѓаните.