Веројатно сте слушнале за тоа дека ако подолго време не сте имале секс, вагината ќе биде потесна и ќе се затегне, но експертите истакнуваат дека тоа никако не е случај.
„Многу луѓе погрешно претпоставуваат дека жените кои поретко практикуваат секс, имаат и „потесни“ вагини, а дека жените кои се сексуално поактивни имаат „поопуштени“ вагини – но, ова апсолутно не е точно“, вели гинекологот Џенифер Вајдер.
Тоа е поради тоа што мускулите на вагината се еластични. „Тие се шират и се враќаат во нормална состојба после секој сексуален однос и после породувањето“, истакнува Вајдер.
Имајќи го тоа на ум, постојат две ситуации во животот кога вагината го менува обликот на некое подолго време.
Првиот пат е после породувањето.
„Некои студии покажале дека на вагиналните мускули им се потребни и до шест месеци после бременоста за да се вратат во нормалната големина и форма“, објаснува Вајдер, но повторно поентата е дека – мускулите се враќаат во првобитната состојба.
Вториот пат е кога вагината се менува како последица на стареењето.
„Како што жената старее, нивото на хормони опаѓа, што значи и дека вагиналните ѕидови стануваат потенки и помалку еластични, па мускулите можат да се опуштат. Добрата вест е дека ова може да се реши со помош на Кегелови вежби, без оглед на тоа колку години има жената.“
Заклучок: Ако имате чувство дека вашата вагина е потесна за време на сексот, тоа не е затоа што сте немале секс подолго време.
„Поверојатно е дека не сте доволно возбудени и дека ви е потребна подолга предигра“, истакнува Вајдер.