Голем скандал го тресе Тетовскиот универзитет: Најмалку 7 професори плагирале научни трудови

0
933

Како што пишуваат медиумите на албански јазик, последното издание на публикацијата „Веритас“ открива дека научните трудови на најмалку седум универзитетски професори, се плагијат или копија на веќе објавени дела.

Добро познатото списание „Веритас“ во една неодамнешна публикација откри обемно истражување за плагијат и копирање во научните дела на некои професори на Медицинскиот факултет при Универзитетот во Тетово, како што се Неџбедин Беадини, Шеќибе Беадини, Албулена Беадини, Емира Беџети, Мирлинд Беџети , Дестан Халиди, Екрем Исмани и други.

Истражувањето на ова списание е обемно и многу детално, специфицирајќи ги сите делови од нивните дела што се копирани и објавени, како дела на предметните автори. Целосното истражување е достапно ТУКА.

„Почитувани студенти, почесни професори (вие кои сте заработиле научни и академски титули со заслуги), почитувани печатени и електронски медиуми, почесни водачи на државни институции и вие лидери на албански партии во позиција и опозиција.

Ние, интелектуалната иницијатива за подобрување на квалитетот во универзитетското образование – NIRCAU, во текот на едногодишниот период март 2020 – март 2021 година, постојано реагиравме на неправилностите прикажани на Универзитетот во Тетово, особено на Медицинскиот факултет.

Досега, ние депониравме во раководството на оваа институција над 15 жалби за украдени истражувања на професори и докторанди на овој факултет и незаслужено напредување во академската титула на овој факултет, но…очигледно поплаките паднаа на глувите уши.

Академската нечесност е проблем што го истражувавме неколку месеци. Штетата предизвикана од него е немерлива, бидејќи овој феномен овозможува да се оправда некомпетентноста, која потоа како таква ќе им служи на следните генерации со создавање на „нормални“ стандарди.

Иако оваа академска измама постои, раководството на овој универзитет продолжува да ги држи очите затворени и да се преправа дека не разбира дека нивните професори и студенти, вклучително и Неџбедин Беадини, не се всушност автори на истражувањето што го прокламираат.

Досега до Ректорската управа поднесовме низа претставки за кражба на интелектуални трудови од професори и докторанди на овој факултет, кои незаслужено напредуваат во академската кариера. Оттаму нема никаков повратен одговор“, стои меѓудругото во публикацијата на Интелектуалната иницијатива за подобрување на квалитетот во универзитетското образование – NIRCAU