ГЕРМАНИЈА БУКВАЛНО И НАРЕДИ НА ГРЦИЈА ДА ГО РЕШИ ПРОБЛЕМОТ СО МАКЕДОНИЈА!

0
1782

Коѕијас по средбата со Мас: Спорот треба да се реши тоа е во интерес и на Грција и на Македонија

Шефот на грчката дипломатија Никос Коѕијас денеска ја продолжи својата дипломатска турнеја во Берлин.

Спорот за името меѓу Македонија и Грција бил високо на агендата на денешната средба на шефовите на германската и грчката дипломатија Хајко Мас и Никос Коѕијас во Берлин.
Од германска страна по состанокот уште еднаш беше искажана целосна поддршка за изнаоѓање решение на деценискиот спор.

Мас го поздрави развојот на досегашниот тек на преговори и потенцираше дека Берлин со години силно се залага за решение во спорот за името.

„Германија е заинтересирана за решение кое ќе донесе мир и стабилност на Западниот Балкан“, рече Мас.

Коѕијас информираше дека од вчера експертските работни групи од Македонија, Грција и Обединетите нации заседаваат со цел да го доработат рамковниот договор за двајцата премиери.

Коѕијас рече дека спорот треба да се реши затоа што тоа е во интерес и на Грција, а не само на Македонија.

Според него, тој и македонскиот министер за надворешни работи Никола Димитров сториле се што е во нивна моќ за да ја затворат рамката и да понудат прифатливо решение и сега со темата се занимаваат работните групи.

Синоќа Коѕијас и Штајнмајер разговараа во претседателската вила во Берлин, но од средбата нема никакво соопштение, освен заедничка фотографија од двајцата политичари, а од кабинетот на Штајнмајер не успеавме да добиеме одговор за кои теми се разговарало.

Секако, официјален Берлин веќе подолго време активно ги следи преговорите во спорот за името и дава поддршка за изнаоѓање решение, а Штајнмајер како долгогодишен шеф на дипломатијата ги познава добро работите и веројатно се интересирал за последните случувања.

Да потсетам дека и канцеларката Ангела Меркел минатата недела на таа тема и телефонски разговараше со македонскиот и грчкиот премиер.

Портпаролката на германското МНР, вчера, во пресрет на состанокот на Мас и Коѕијас изјави дека германската влада апелира до Атина и Скопје да ги затворат и преостанатите отворени прашања кои постојат меѓу двете земји. Според Берлин, се работи за историска шанса да се решат отворените прашања и тоа ќе има позитивно влијание не само за билатералните односи меѓу Македонија и Грција туку и за стабилноста на целиот регигон. Сличен став повтори денеска и министерот Мас.

Се огласи и министерот за Европа Михаел Рот кој освен што рече дека е оптимист изрази подготвеност да се даде секаква поддршка за решение на спорот. Рот вчера во Брисел разговараше со шефот на македонската дипломатија Никола Димитров и забележително беше тоа што во неговата порака повика да не се попречува изнаоѓањето на мирно решение, иако остана нејасно до кого ја адресираше ваквата порака.

Борис Георгиевски, Дојче Веле