Граѓанското движење за одбрана на Македонија реагираше по повод написите дека нивните членови биле недоволно активни во помагањето на населението во поплавените подрачја. Од ГДОМ известуваат дека скоро сите нивни членови се наоѓаат на калливи терени и се пржат под жешкото сонце.
„По повод паушалните обвинувања од страна на медиуми и поедници сакаме да ја информираме јавноста дека нашите членови деноноќно се на терен. Бројни наши членови се пржат под силното сонце движејќи се по песокливите и калливи почви на плажите ширум Балканот. Од Турција, преку Бугарија, Грција и Албанија, па се до Црна Гора, нашите членови храбро стојат на браникот на лежалките и во ниеден момент не ја издале нашата вековна кауза.“ стои во соопштението на ГДОМ.
Извор: Коза Ностра