На железничката станица во Гевгелија, стотици мигранти чекаат да ги предадат документите во полициската станица, за да добијат потврда со која им се овозможува 72 часовен престој во Македонија, пишува Мета.
Речиси сите сенки под дрвјата се исполнети со бегалци.
Дел од нив полицијата се обидува да ги групира во редови, за да може побрзо и поефективно да добијат потврди.
Еден полициски службеник за „Мета“ изјави дека честопати се прави метеж и тие што се напред се случува да бидат потиснати, но сепак се обидуваат да воведат ред.
На железничката станица можат да се забележат импровизирани тезги на кои се продаваат грицки, вода и овошје.
Шише обична вода чини едно евро.
Килограм банани се продава од две до четири евра.
Околу автобуската станица во Гевгелија, пак, исто така има мигранти, а може да се забележат и такси возила и таксисти кои се пазарат со нив. Една гевгеличанка се пожали дека ја одбиле да ја возат велејќи и дека од миграните ќе заработат повеќе.
.gif)
.gif)
