Холандија нема да го поддржи барањето на Бугарија за влез во Шенген зоната на состанокот на Советот на ЕУ во Брисел следната недела, објавија холандските медиуми.
Претходно холандската администрација донесе одлука да го поддржи пристапувањето на Романија и Хрватска во Шенген, притоа блокирајќи ја Бугарија.
Министрите сметаат дека Бугарија не ги исполнува потребните услови за членство во Шенген.
Според холандскиот министер за надворешни работи Вопак Хоекстра, премногу рано е Бугарија да влезе во Шенген. Тој не ја исклучи можноста Холандија да ја преиспита својата одлука кога ќе стане јасно дека Бугарија е способна да се бори против корупцијата и организираниот криминал.
Холандскиот премиер Марк Руте изрази загриженост дека пристапувањето на Бугарија во Шенген зоната може да предизвика прилив на илегална миграција.