Депонијата на кејот на реката Вардар кај салата „Борис Трајковски“ во Скопје е намерно запалена, вели командантот на Бригадата за противпожарна заштита Владимир Симоновски.
И после 6 часа од избувнувањето на пожарот тој сѐ уште не е изгаснат. Пожарникарите и вечерва се на депонијата и го гаснат огнот. Целата област од приватната болница Аџибадем Систина, па до Карпош 3 и Карпош 4 околу хотелот „Александар палас“ и градската болница „8 Септември“ и вечерва е во чад.
„Не знаеме до кога ќе го гасиме, сигурно до доцна ноќва. Тврдам дека е намерно запалена депонијата. Од досегашното искуство што го имаме на пожари, ова не е случај на невнимание или случајно запалено ѓубре. Пожарот е подметнат на пет-шест места и одеднаш од секаде, од сите страни на депонијата избувна. Тоа не е од невнимание туку некој сакал тука да има пожар. Ја држиме состојбата под контрола, нема простор за опасност и паника“, вели командантот на скопската Пожарна Владимир Симоновски.
Целата сторија на СДК.МК