По три порасти неделава, пад на цената на горивата. РКЕ на денешната седница одлучи да ги намали горивата после донесените законски измени вчера во Собранието од Законот за акцизи и измените од Законот за данок на додадена вредност.
Малопродажните цени на нафтените деривати се намалуваат во просек за 6,45% во однос на одлуката од 10.03.2022 година.
Малопродажните цени на бензините ЕУРОСУПЕР БС-95 и ЕУРОСУПЕР БС-98, се намалуваат за 6,50 денари/литар, додека малопродажните цени на ЕУРОДИЗЕЛ (Д-Е V) и на Екстра лесното масло за домаќинство (ЕЛ-1) се намалуваат за 9,00 денари/литар.
Малопродажната цена на Мазутот М-1 НС се зголемува за 0,345 денар/килограм и ќе изнесува 60,914 ден/кг.
Од 13.3.2022 година од 00:01 часот максималните цени на нафтените деривати ќе изнесуваат:
Моторен бензин ЕУРОСУПЕР БС – 95 – 86,50 (денари/литар)
Моторен бензин ЕУРОСУПЕР БС – 98 – 88,50 (денари/литар)
Дизел гориво ЕУРОДИЗЕЛ БС (Д-Е V) – 88,00 (денари/литар)
Масло за горење Екстра лесно 1 (ЕЛ-1) – 83,50 (денари/литар)
Мазут М-1 НС 60,914 (денари/килограм)
.gif)
.gif)
