Граѓанската акција „Ние одлучуваме!“ денеска одржа перформанс во центарот на Прилеп.
Настанот вклучуваше озвучен брендиран камион, од кој се емитуваа аудио пораките на акцијата, а перформансот беше засилен со банери, знамиња и приотехнички средства кои го привлекоа вниманието на прилепчани.
Над дваесетина активисти разговараа со граѓаните на Прилеп за клучните теми и проблеми со кои се оптеретени граѓаните на Прилеп и на Македонија. Прилепчани бараат подобро здравство, посочувајќи го Прилеп како еден од градовите со повеќе случаи на смртност на родилки, како и потреба од лекарски кадар и опрема во сите здравствени установи. Иселувањето на младите како директен резултат на сиромаштијата и безработицата кои што владеат во Прилеп, се приоритетните проблеми за кои прилепчани бараат промени.
Граѓанската акција НИЕ ОДЛУЧУВАМЕ! Бараме промени! Можеме подобро! има за цел да ги информира, мотивира и охрабри граѓаните да учествуваат на предвремените парламентарни избори во 2016 година, да ги регистрира злоупотребите на јавните ресурси и институции за изборни цели, како и заканите и заплашувањата кон граѓаните за остварување на избирачкото право.
Со почит,
Граѓанска акција „Ние одлучуваме!“