Со три големи шатори и во масовен број, граѓаните кои се одзваа на повикот на лидерот на ГРОМ – Стевчо Јакимовски уште од утринава се собраа пред Уставниот суд. Тие велат дека денеска се собрани да протестираат против „се што е негативно“, а дел оти слушнале на телевизија дека имало најава за насилство врз судиите.
-За се што е негативно протестираме, се што ја носи Македонија во бездна. Ако сте глувонеми да ви објаснам кој е тој, ако имаме ние сите патриотски чувства во себе многу лесно ќе идентификуваме кои се тие сили. Затоа во Америка претседателскиот систем е најмоќен, има големи ингеренции, па и на нашиот да му дадеме, вели граѓанин за НОВА.
-Го браниме Уставниот суд бидејќи има најава за насилство. На телевизија гледавме. Не знаеме какво насилство, ќе ги присилувале судиите на нешто, ни појасни еден од присутните граѓани.
Градоначалникот на Карпош и лидер на ГРОМ Стевчо Јакимовски денеска пред Уставниот суд објасни дека причина за денешниот собир е со цел да им дадат поддршка на уставните судии кои утре ќе одлучуваат дали ќе ги зголемат ингеренциите на претседателот за помилување на изборен криминал.
Видеото ОВДЕ
.gif)
.gif)
